Cinnamon Rings

Cinnamon Rings

අවශ්‍ය ද්‍රව්‍ය

පාන් පිටි කෝ. 1/2
ආටා පිටි කෝ. 1/2
බටර් මේස හැඳි 2
බිත්තර 1
කිරි කෝප්ප 1/4
යීස්ට් තේහැ. 1
සීනි මේස හැඳි 4
කුරුඳු කුඩු තේහැ. 1

මද රස්නය ඇති කිරි ස්වල්පයකට සීනි තේ හැඳි 1ක් ද යීස්ට් ද එක් කර දිය කර පැත්තකින් තබන්න.

වියලි බඳුනකට බිත්තරය එක් කර ගසා ගන්න. එයටම, පාන් පිටි ආටා පිටි, සීනි හා බටර් එක් කර මිශ්‍ර කරගන්න. කුරුඳු කුඩු වලින් මේස හැඳි 1ක්ද එක් කරන්න.
පිපුණු යීස්ට් මිශ්‍රණය ද එයටම එක් කර හොඳින් අනන්න. කිරි එක් කරමින් අනාගන්න. අවශ්‍ය නම් වතුර ස්වල්පයක් ද එක් කරගෙන 
නොඇලෙන පදමට අනා ගන්න.
ඩෝ එකක පදම ආ පසු එය බෝලයක් මෙන් සකසා රෙදි කැබැල්ලකින් වසා වියලි උණුසුම් ස්ථානයක පැය 1/2 ක් තබන්න.

පැය 1/2 කට පසු පිපුණු ඩෝ එක වාතය ඉවත් කර නැවත මෘදු ලෙස අනාගන්න. 

පිටි තවරාගත් මතුපිටක ඩෝ එක තුනි කර(1/2cm පමණ) රවුම් හැඩ කපා ගන්න. රවුම් හැඩයේ මැද ද රවුමක් කපා ඉවත් කර මුදු හැඩයට සකස් කර ගන්න.
තවත් විනාඩි 5-10 පිපෙන්නට තබා ගැඹුරු තෙලේ රන්වන් පැහැ වන තුරු දෙපැත්ත බැද ගන්න.

සිනමන් ෂුගර්

අවශ්‍ය ද්‍රව්‍ය
සීනි මේහැ. 2
කුරුඳු කුඩු තේහැ. 1-2

සීනි හා කුරුඳු කුඩු ග්රයිඩරයක් ආධාරයෙන් කුඩු කරගන්න.
පවුඩර් තත්වයට පැමිණි පසු එය සිනමන් ෂුගර් වේ. විවිධ කෑම රසවත් කිරීමට මෙය යොදා ගත හැකියි.

බැදගත් සිනමන් රින්ග්ස්, සිනමන් ෂුගර් වල හොඳින් දවටා ගන්න.

© kalSwijesooriya @ KC & Baby K

අළු කෙසෙල් විධි 3කට රසට

අළු කෙසෙල් රසට ගුණට ආකාර 3කින්

අළු කෙසෙල් කිරට

අවශ්‍ය ද්‍රව්‍ය

අළු කෙසෙල් ගෙඩි 2-3
ලොකු ළූණු
සුදු ළූණු
රම්පෙ
කරපිංචා
අමු මිරිස්
උළුහාල්
කුරුඳු
අමු තුනපහ
කහ
ලුණු
පොල්කිරි දියට කෝ. 1/2
උකුවට කෝ. 1/4

අළු කෙසෙල් ගෙඩියේ දෙපැත්ත කපා ඉවත් කර, පොත්ත සිහින්ව කපා ගන්න.
ඉන්පසු ගෙඩිය රවුම් අතට, තරමක් ඇදට, මද ඝනකමින් යුතු, පෙති කපා ගන්න.
කහට පිපීම වලක්වා ගැනීමට කහ ලුණු අතගා ගන්න.
ලොකු ළූණු, සුදු ළූණු හා අමු මිරිස් සිහින්ව ලියා ගන්න.
මදක් ගැඹුර සහිත බඳුනකට කපා ඛත් අළු කෙසෙල් කැබලි, ලූණු, අමුමිරිස්, සුදු ළූණු, රම්පෙ, කරපිංචා, කුරුඳු, උළුහාල් සියල්ලද අමු තුනපහද එක් කර වැසෙන මට්ටමට දිය කිරිද එක් කර ලිප තබන්න. 
රස බලා අවශ්‍ය නම් ලුණු ස්වල්පයක් හා කහ ද එක් කරන්න.
හොද්ද නටා කැබලි තරමක් තැම්බුණු පසු උකු කිරි එක් කර නටවා හොද්ද තරමක් සිඳ ගන්න.

අළු කෙසෙල් chips

අළු කෙසෙල් ගෙඩියේ දෙපැත්ත කපා ඉවත් කර, පොත්ත සිහින්ව කපා ඉවත් කරගන්න.
ඉන්පසු ගෙඩිය ඇල අතට තරමක් සිහින්ව, පෙති කපා ගන්න.
කහ ලුණු අතගා ගන්න.
හොඳින් රත් වුනු ගැඹුරු තෙලේ, රන්වන් පැහැවන තුරු බැද ගන්න.
උණුසුම ඇති විටම මිරිස්කුඩු හා අවශ්‍ය නම් ලුණු කුඩු ඉස ගෙන, හොඳින් කලවම් කර ගන්න.

අළු කෙසෙල් මෝජු

අවශ්‍ය ද්‍රව්‍ය 

අළු කෙසෙල් ගෙඩි 4-5

තෙල්

ලුණු
කහ
කුඩා හාල්මැස්සන්
අමු මිරිස් කරල්
රතු ළූණු ගෙඩි
කපා ගත් ලොකු ළූණු
කපා ගත් ඉඟුරු, සුදු ළූණු

බැදපු තුනපහ
මිරිස් කුඩු
කුරුඳු, එනසාල්, කරාබුනැටි
රටඉඳි හෝ ප්ලම්ස් ස්වල්පයක්
සීනි ස්වල්පයක්
තක්කාලි සෝස් ස්වල්පයක්
විනාකිරි ස්වල්පයක්

අළු කෙසෙල් ගෙඩියේ දෙපැත්ත කපා ඉවත් කර, පොත්ත සිහින්ව කපා ගන්න.
ගෙඩිය 4ට පලා කොටු කපා ගන්න.
කහ හා ලුණු අතගා ගන්න.
හොඳින් රත් වුනු ගැඹුරු තෙලේ රන්වන් පැහැ වන තුරු බැද ගන්න.

මෙලෙසම රතු ළූණු හා අමුමිරිස් ද හොඳින් රත් වුන තෙලේ, පැහැය වෙනස් නොවන තරමට යන්තම් බැදගන්න.
හාල්මැස්සන් ද රන්වන් පැහැ වනතුරු බැද ගන්න.

තෙල් ස්වල්පයක් ලිප තබා එයට, ළූණු, ඉඟුරු, සුදු ළූණු එක් කර තෙම්පරාදු කරගන්න. කුරුඳු, එනසාල්, කරාබුනැටි ද එක් කර සුවඳ එන තුරු තෙම්පරාදු කරගන්න.  

එයටම බැදපු තුනපහ හා මිරිස් කුඩු එක් කර හොඳින් මිශ්‍ර කරගන්න.
ඉන්පසු බැදගත් ළූණුූ, අමුමිරිස් හා අළු කෙසෙල් කැබලි ද එක් කර කලවම් කරගන්න.
විනාකිරි, සීනි හා තක්කාලි සෝස් එක් කර හොඳින් මිශ්‍ර කරගන්න.
අවසානයේ ප්ලම්ස් එක් කර රස අනුව අවශ්‍ය නම් ලුණුද එක් කර තෙත හිඳුනු පසු ලිපෙන් බා ගන්න.

© kalSwijesooriya @ KC & Baby K

Banana Bread - බනානා බ්රෙඩ්/කේක් (In a frying pan)

Banana Bread - බනානා බ්රෙඩ්/කේක් (In a frying pan)

අවශ්‍ය ද්‍රව්‍ය

• හොඳින් ඉදුණු ලොකු කෙසෙල් ගෙඩි 2
• බිත්තර 2
• සීනි කෝප්ප 1/ 100g
• කිරි කෝප්ප 125ml
• වැනිලා තේ හැඳි 1
• කුරුඳු කුඩු ස්වල්පයක් 
• තිරිඟු පිටි කෝප්ප 1 1/2 
• එළවලු තෙල්/ දියකර ගත් බටර්/මාගරින් කෝප්ප 1/4
• චොක්ලට් කැබලි ස්වල්පයක්
• රේසින් සරසා ගැනීමට
• බේකින් පවුඩර් තේ හැඳි 1
• බේකින් සෝඩා තේ හැඳි 1/2

සාදාගන්නා ආකාරය

හොඳින් වැසෙන පියන සහිත, අඩිය නොඇලෙන, ෆ්රයින් පෑන් එකක ඇතුලත තෙල් හෝ මාගරින් තවරා සූදානම් කර ගන්න. 

කෙසෙල් ගෙඩි ගෑරුප්පුවක් ආධාරයෙන් හොඳින් පොඩිකර ගන්න.

බිත්තර වියලි බඳුනකට එක් කර හොඳින් ගසා ගන්න. 
එයටම සීනි හා තෙල් ද එක් කර සීනි දිය වන තුරු ගසා ගන්න. 
වැනිලා හා කිරි එක් කර ගන්න.
පොඩි කල කෙසෙල්ද එයට එක් කර හොඳින් මිශ්‍ර කරගන්න.

පිටි වලට බේකින් පවුඩර් හා බේකින් සෝඩා එක් කර හලා ගන්න.
චොකලට් කැබලි ටික එක් කර පිටි වල කවලම් කරන්න.
පෙර සාදා ගත් දියර මිශ්‍රණයට, පිටි මිශ්‍රණය ක්රමයෙන් එක් කරමින් පෙරලමින් කලවම් කරගන්න. 
මිශ්‍රණය සකස් කර ගත් ෆ්රයින් පෑන් එකට දමා දෙවතාවක් මේසයට තට්ටු කර වායු බුබුළු ඉවත් කර ගන්න.
ලිපේ අඩුම ගින්දර සකස් කර ෆ්රයින් පෑන් එක ලිප මත තබා මූඩියෙන් හොඳින් වසන්න. සිදුරු ඇත්නම් ඒවා රෙදි හෝ පත්තර කැබල්ලක් ඇතුල් කර වසාගන්න. 
විනාඩි 50-55 ක් පමණ පුළුස්සා ගන්න. 
හොඳ සුවඳක් එන විට පියන ඇර හරි මැද toothpick එකක් ආධාරයෙන් පරීක්ෂා කර එහි ඇලෙන සුළු බව නැති නම් කේක් එක පිටතට ගෙන නිවා ගන්න. 

Oven එකේ - Pre-heat කර ගත් අවන් එකක 180°C  විනාඩි 20 ක් බේක් කරගන්න. 

© kalSwijesooriya @ KC & Baby K