Lasagna - ලසාඥ්ඥා (ලිපේ හා අවන් එකේ-On the stove & oven)

 Lasagna - ලසාඥ්ඥා 

අවශ්‍ය ද්‍රව්‍ය

ලසාඥ්ඥා නූඩල්ස්
කැමති චීස් වර්ගයක් හෝ කීපයක් (Cheddar, Mozzarella, Ricotta, Parmesan)
Meat Sauce
White Sause
බිත්තර කහ මද

Red sauce
හොඳින් ඉදුණු තක්කාලි
ලුණු
ගම්මිරිස්
චිලි සෝස්
ටොමටෝ සෝස්
මිරිස් කුඩු

තක්කාලි තම්බා පොතු ඉවත් කර හොඳින් පොඩිකර ගන්න. අනෙකුත් සියලුම ද්‍රව්‍ය එයට එක් කර සෝස් එක සකස් කර ගන්න. සෝස් එක ලිප තබා උතුරවා අවශ්‍ය තරම් ඝන කරගන්න.

චිකන් ස්ටොක්
ඉඟුරු සුදුළූණු ලුණු ගම්මිරිස් සමඟ චිකන් හොඳින් තම්බාගන්න. වතුර ටික පෙරා භාවිතා කරන්න. 

Meat sauce
තම්බා කුඩාවට කපා ගත්/අඹරා ගත් චිකන් 
කුඩාවට කපා ගත් සොසේජස්
කැරට්
මාලුමිරිස්/ බෙල් පෙපර්
ළූණු
සුදු ළූණු
ගම්මිරිස්
ලුණු
තෙල්
ඔරිගානෝ
කෑලි මිරිස්
Red sause
චිකන් ස්ටොක්/ දියකරගත් සුප්කැටයක්

පෑන් එකට තෙල් එක් කර ළූණු ටික එක් කරන්න. එය තෙලෙන් තැම්බෙන විට සුදු ළූණු එක් කරන්න. කෑලි මිරිස්ද එක් කරගන්න. එයට කුඩාවට කපා ගත් කැරට් හා මිරිස් වර්ග එක් කරන්න. එළවලු මදක් තැමිබුණු පසු, චිකන් හා සොසේජස් ද එක් කර හොඳින් මිශ්‍ර කරගන්න. සකස් කර ගත් Red Sauce හා ඔරිගානෝ එක් කර හොඳින් මිශ්‍ර කරගන්න.  මිශ්‍රණය මද ගින්නේ තෙත ගතිය සහිත වන තරමට පිස ගන්න. Meat Sauce එකේ රස අනුව ලුණු ගම්මිරිස් එක් කරගන්න. 

White sause
බටර්
පාන් පිටි
කිරි
ලුණු
ගම්මිරිස් 

පෑන් එකකට බටර් එක් කර දිය වූ පසු පාන් පිටි එක් කර කලවම් කරන්න. ගින්දර නිවා කිරි ටික ටික එක් කර හොඳින් මිශ්‍ර කරගන්න. ඝන මිශ්‍රණයක් සකස් වූ පසු නැවත ලිප දල්වා සෝස් එක උතුරවා ගන්න. White sauce එකේ රස අනුව ලුණු ගම්මිරිස් එක් කරගන්න. 
 
බේකින් ට්රේ එකක් හෝ තරමක් උස්, අඩිය ඝනකම් පෑන් එකක් ගන්න. (තුනී පෑන් එකක් නම් රොටී කබලක් මත තබා භාවිතා කල හැකියි)

එහි අඩිය වැසෙන සේ තුනී මීට් සෝස් ලේයර් එකක් එක් කරන්න. ඉන්පසු මීට් සෝස් ලේයර් එක සම්පූර්ණයෙන් වැසෙන සේ ලසාඥ්ඥා නූඩල්ස් අතුරා ගන්න. ඒ මතට සකස් කරගත් වයිට් සෝස් එක තුනී ලේයර් එකක් ලෙස එක් කරන්න. ඒ උඩින් චීස් ලේයර් එකක් එක් කරන්න. නැවත මීට් සෝස් ලේයර් එක, ලසාඥ්ඥා නූඩල්ස් ලේයර් එක, වයිට් සෝස් ලේයර් එක හා චීස් ලෙස ලේයර් සකස් කර ගන්න. අවසාන වයිට් සෝස් ලේයර් එක මත චීස් වැඩිපුර අතුරා ගසා ගත් බිත්තර කහමද එක් කරගන්න.

ට්රේ එක ඇලුමිනියම් ෆොයිල් එකක් ආධාරයෙන් වසා ගන්න. 
200°C ට පෙර රත් කරනලද (pre-heat) අවන් එකක විනාඩි 40-45 ක් බේක් කරගන්න.  

හුමාලය පිටතට නොඑන පරිදි පෑන් එක හොඳින් පියනකින් වසා ගන්න. ලිපේ ගින්දර අවම ප්‍රමාණයට සකස්කර පෑන් එක ලිප මත තබා (හෝ රොටී කබල මත) විනාඩි 30-45 ක් පිස ගන්න.

මතුපිට රන්වන් දුඹුරු පැහැයටත්, වටේ බුබුළු එන තරමටත්, මැද නූඩ්ල්ස් මෘදු වන තරමටත් බේක්කරගත/පිසගත යුතුයි. ටූත් පික් එකක් ආධාරයෙන් පරීක්ෂා කර බලන්න.